話說一直喺salon染髮,或者買現成的染髮劑染髮,但都逃不過頭髮變硬、開叉,掉色嘅命運。記得舊同事講過佢用過Lush嘅染髮磗，係純天然植物製成，用完頭髮滑啲喎，前排經過鋪頭忍唔住買嚟試下。
港幣150一磗，一磗六格，可因應頭髮長短而選用格數。
Lush一共推咗四隻色-黑，深棕，啡紅，粟子。因為係植物提煉嘅關係，係無Salon可染啲色咁鮮，只有深色系列可供選擇。
用簡單嘅紙包一下，因為紙好薄，隔住都聞到好香嘅花味。
我短髮到頸，未到膊頭，Sales話只用三格就夠。
用之前要準備以下工具: 染髮梳，膠手套，一枝攪攪棒，一個小面盤，毛巾。
首先將8oz水煲滾，再將已經準備好嘅髮磗放好在面盤。加上熱水用盡全力攪吧!下面係我攪咗十五分鐘攪到出晒汗嘅結果---仲未溶晒 >___<
經過又壓又攪大約三十分鐘，總算叫"溶咗"，我都差的熱溶埋。然後就好似平時用普通染髮劑一樣，梳上頭。
由於佢係植物成份，一路溶嘅時候聞到好香嘅花味。我今次揀咗啡紅色，成份主要有: 有機檸檬汁，迷迭香，丁香精油，可可脂，紅色散沫花。其實佢提煉出嚟嘅染料，正正就係印度人用畫手花嘅Henna。印度女士結婚時，畫上象徵幸福如意的Henna，一日唔整花，一日唔掉色，就可以唔洗做家務住架啦!
不過亦因為係植物嘅關係，有好多纖維係攪唔爛，所以梳上頭要梳得順都有一定嘅難度。一梳梳咗我半個鐘...
用植物染髮其中一個最大嘅煩麻之處就係...你要等兩個鐘先洗得!!!為免佢滴落嚟，都係乖乖用保紙包一包。
兩個鐘過後，同平時洗頭一樣，用溫水洗淨，可再落洗頭水護髮素。的確，染完好滑，相信係因為可可脂同精油嘅關係。只不過...色呢?!!同無染過好似無乜分別...都係偏淺啡...
結論係 (5*為最高):
購買地點 --- 尖沙咀 LCX Lush Counter
易用度 --- *
回購度 --- *
Sales態度 --- **禮貌好一般，亦唔了解product用法，最尾只係俾本catalog叫我自己睇
沒有留言:
發佈留言