Apivita 3 in 1 Cleansing Milk for Face & Eyes
之前落妝用開Bioderma紅/綠蓋落妝水，同埋shu umera綠茶落妝油，兩隻都落得幾乾淨，但一用完就即刻狂出粒粒!!!特別係shu umera果枝簡直用到想死，全面起暗粒，再變暗瘡...用咗都無三份一就轉贈了。
因為工作附近有Apivita，成日俾佢掛喺門口七彩嘅mask吸引住，而且呢個牌子又係sell天然，就衝入去問Sales有無落妝product介紹。
呢間鋪嘅Sales態度好好，好詳細介紹佢嘅product，唔啱我嘅仲唔會hard sell，感覺幾好。
佢介紹咗呢一隻cleansing milk俾我，而且仲話可以落埋眼妝。250ml港幣180，我用咗四個月仲有三份一枝，好抵用。
由於水同油性嘅落妝唔啱我，我最後寄望就係呢隻milk >^<
質地好軟，好滑，仲有淡香，不過唔係chemical嘅香味。標稱99%天然成份，最主要為人熟悉嘅有橄欖果油，甘油，洋甘菊花。呢兩種油最主要係鎖住皮膚水份，加埋洋甘菊仲有修復作用。
就用我用開嘅遮瑕膏嚟示範下。我所用嘅係make-up forever water proof concealer，質感比較厚同"結"。
先將要落妝嘅地方濕水，加上cleansing milk，不停打圈，好快連water proof嘅concealer都溶化，再過清水。
平時如果化得厚或者濃的啲嘅妝(包括眼妝，唇妝)，重複兩次以上步驟就已經可以洗得好乾淨。
洗完好乾淨，亦唔會有乾嘅感覺，皮膚依然有水份同彈性。
結論係 (5*為最高):
購買地點: 尖沙咀港威Apivita專門店
易用度: *****
回購度: *****
Sales態度: **** 如果我無記錯serve我果位叫Nathalie，態度好好，又有笑容。本身我想買埋其他野，不過佢反而同我解釋果樣野唔啱我，叫我唔好買，又唔會hard sell，很不錯!
